
遍知贝玛嘎波大师教言集PK200ཞལ་གདམས་སྙིང་གི་ནོར་བུའི་འཁྲུལ་འཁོར་ཟིན་བྲིས་བཞུགས་སོ།།
17-612
༄༅། །ཞལ་གདམས་སྙིང་གི་ནོར་བུའི་འཁྲུལ་འཁོར་ཟིན་བྲིས་བཞུགས་སོ།།
༄༅། །ཞལ་གདམས་སྙིང་གི་ནོར་བུའི་འཁྲུལ་འཁོར་ཟིན་བྲིས་བཞུགས་སོ། ། ༄༅། །སེམས་སྐྱིལ་སྟེང་ནས་མི་ཆེན་ལུགས། །ལུས་ནི་འགྱུར་མེད་གེགས་སེལ་བཞི། །གན་རྐྱལ་གཅུད་འབེབས་ལངས་དགུར་རོ། །གཏུམ་མོའི་འདྲེན་འགྲེམས་འཁྲུལ་འཁོར་ལ། །རྡོ་རྗེ་ནང་འཛིན་ཟླ་འཛིན་དང་། །ཁོང་འདྲེན་དབང་སྡུད་ཉི་མ་འཛིན། །དྭངས་འཛིན་དྭངས་མ་རྒྱབ་ལག་བརྒྱད། །གཡས་བརྐྱང་
གཡོན་བརྐྱང་མཉམ་མི་མཉམ། །གོམ་པ་ས་ག་ཟླུམ་པོ་དང་། །རུ་སྦལ་བུང་བ་རྒྱ་མཚོའི་རླབས། །རི་བོང་འདེགས་པ་བཅུ་གཅིག་འདྲེན། །སྟོད་སྨད་བར་གྱི་རྣམ་རོལ་དང་། །སེང་གེ་རྩལ་སྤྲུགས་རྩངས་པའི་བྲང་། །
17-613
སྦལ་པའི་བགྲད་དང་སྦྲུལ་གྱི་འཁྲིལ། །གནས་ལུགས་དྭངས་འགྲེམས་འགྲེམས་སུ་བཤད། །དཀར་དམར་འཆིང་དང་སེང་གེའི་ལོག །སྟག་མོའི་གསུམ་འཐེན་གྱད་ཀྱི་བགྲད། །རྨ་བྱའི་འགྱིང་བ་བཞི་པོ་འདྲེན། །གེགས་རྣམས་ཀུན་རྫོགས་ཁ་
བསྒྱུར་སེལ། །ནད་བརྒྱ་སྨན་གཅིག་ཁྱད་ཆོས་ཡིན། །དང་པོ་མི་ཆེན་ལུགས་ནི། སེམས་སྐྱིལ་གྱི་སྟེང་ནས་བཞག་ཤ་བརྡབས་ཏེ་ལག་གཉིས་གཡས་ཀྱི་ཐད་ནས་ཕར་བརྐྱང་། །ཚུར་རྡེབ་པ་གསུམ། །གཡོན་དུ་གསུམ་ཆ་
མཉམ་གསུམ། །གཡོན་ནུ་སྟེང་དུ་བཞག །གཡས་པས་གསུམ། བཟློག་སྟེ་གསུམ། གཡས་བརྐྱང་གཡོན་པས་འཁྲུ་བ་གསུམ། བཟློག་སྟེ་གསུམ། དེ་ནས་ལག་མཐིལ་འཕུར་མགོ་སྟོད་ཀྱི་རྒྱབ་མདུན་འཕུར་བ་གསུམ། དེ་ནས་ཅུང་ཟད་
ཙོག་པུས་རྐང་པ་གཡས་པ་མདུན་དུ་ལན་གསུམ་ཕྲ་སྟེ་གསུམ། དེ་བཞིན་གཡོན་ལའང་བྱའོ། །ལུས་མི་འགྱུར་བའི་གེགས་སེལ་བཞིའི་དང་པོ། གན་རྐྱལ་ནི། གན་རྐྱལ་དུ་ཉལ་བའི་རྐང་པ་གཉིས་ནམ་མཁར་
ཤད་བརྐྱང་བའི་སོར་མོ་བསྣོལ་བས་སྒྱིད་ཁུང་ནས་འཐེན་རྒྱབ་ཀྱི་ཚིགས་ཐང་ཤ་གཅོད་པའོ། །བཅུད་འབེབས་ནི། ལུས་གནད་ལངས་ཏེ་ཁུ་ཚུར་པུས་མགོར་བཀན་འཕོངས་དང་སའི་བར་དུ་ཁྲུ་གང་ཙམ་བཞག་དལ་
བུར་ཕབ་ཚོ་འཛིན་ལག་པ་མ་གུག་པར་བྱའོ། །ལངས་པ་ནི། ཧར་ལངས་རྐང་པ་གཤིབས་ལག་པ་སྟེང་དུ་བརྐྱང་རྒྱབ་ཏུ་ལེགས་པར་དགྱེད་པའོ། །དགུར་བ་ནི། རྐང་ལག་གི་མཐིལ་བཞི་ས་ལ་ཕབ་སྟེ་མགོ་བཀུག་ལ་དགུར་གྱིས་སྒལ་པ་བསྒོང་ཞིང་འཆུན་འདོད་པའོ། །
17-614
གཏུམ་མོའི་འདྲེན་འགྲེམས་ཀྱི་དང་པོ། རྡོ་རྗེ་ནང་འཛིན་ནི་པུས་བཙུགས་ཁུ་ཚུར་སྙིང་གར་བསྣོལ། འདྲེན་དུས་ཨིཾ་གི་སྒྲ་ཕྱིར་དལ་བུས་བུས། འཇམ་པོས་དྭངས་མ་འདྲེན། དེ་ནས་ལྟོ་བ་བསྐོར་བས་འབྱེད།
ཕྱིར་འབུད་རན་ཚད་ཀྱིས་ཞོ་འདྲ་བ་འདྲེན། ལྟོ་བ་བསྐོར་བས་འབྱེད། ཕྱིར་འབུད་དྲག་པོས་སྙིགས་མ་དར་བ་འདྲ་བ་འདྲེན། སྟེང་དུ་སྒྲེགས་པ་འདོན། ལྟོ་བ་བསྐོར་བས་འབྱེད་དོ། །ཕྱིར་འབུད་པ་ཤིན་
ཏུ་དྲག་པོའི་མཐར་ཐང་ཤ་བཅད། ཕྱིར་འཛིན་གྱིས་ཁམས་ཤོ་མང་གི་ཚི་ལྟ་བུ་འདྲེན། ལྟོ་བ་བསྐོར་བས་འབྱེད། རླུང་བརྔུབས་ཏེ་སྨད་དུ་རྡིག །སོར་མོས་རྒྱུ་ཞབས་མཉེས་ལ་སྙིགས་མ་འབོད་དོ། །རྡོ་
རྗེ་ཟླ་འཛིན་ནི། པུས་བཙུགས་ཁུ་ཚུར་བརླ་ཁུགས་སུ་བཙུགས་ལ་ཧིཾ། གཞན་སྔ་མ་བཞིན། རྡོ་རྗེ་ཁོང་འདྲེན་ནི། པུས་བཙུགས་བརླ་གཡས་ཀྱི་ཁར་ཁུ་ཚུར་གཡོན། དེའི་རྒྱབ་ཏུ་གཡས་བསྣོལ་ཐབས་སུ་བཞག །
གཞོགས་གཡས་ནས་ཡར་དལ་བུ་དལ་བུས་འཐེན་ཏེ་ནམ་མཁར་ཐང་གིས་བརྐྱང་། དེ་བཞིན་གཡོན་དབུས་སུ་བྱེད། ཨོཾ་རྡོ་རྗེ་དབང་སྡུད་ནི། པུས་བཙུགས་ཁུ་ཚུར་བརླ་ཁུགས་སུ་བཙུགས་པའི་གཡས་པ་གྱེན་དུ་
སྟེང་གི་ནམ་མཁར་བརྐྱང་། དེ་ལོག་པ་དང་གཡོན་ལའང་བྱེད། ཧྲཱི རྡོ་རྗེ་དྭངས་འཛིན་ནི། ལངས་ལ་ཁུ་ཚུར་པུས་སྟེང་དུ་བཞག །ཧ རྡོ་རྗེ་དྭངས་འཛིན་ནི། ལངས་ལ་རྐང་པར་མཐོ་གང་བཞག །རྟིང་པ་སྤྲད། 
17-615
ལག་པ་བརླ་ཟུར་ནས་ཁུ་ཚུར་གྱིས་ལག་ངར་གྱིས་རྩིབ་ལོགས་བཞར་ལ། སྟེང་གི་ནམ་མཁར་ཐང་གིས་འཐེན། །ཧུ རྡོ་རྗེ་དྭངས་མ་ནི། གཉིས་པ། ལངས་ལ་རྡོ་རྗེ་རྩེ་གཅིག་པའི་ཕྱག་རྒྱ་པུས་
མོའི་ཐད་དུ་བརྒྱངས་པ་དང་ལུས་སྒུར། ལུས་ཀྱི་དཀྱིལ་ཐད་ནས་ཕྱག་རྒྱ་འདེབས་པ་དང་ལྡང་བ་བསྟུན་སྤྱི་བོར་བཀལ། ཧཱུཾ འདིའི་མཐར་ལུས་གནད་གན་རྐྱལ་དུ་ཡན་ལག་ཕྱོགས་བཞིར་བརྒྱངས། མཐར་ཕཊ྄་ཅེས་
བརྗོད་དོ། །རྡོ་རྗེ་རྒྱབ་ལག་ནི། ལངས་ཏེ་དལ་མོ་གཡས་པའི་ཐད་དུ་ཁུ་ཚུར་བསྣོལ་བ་བརྒྱངས་གདོང་གཡས་སུ་གཅུ་ཧབ། གོ་བཟློག་ལ། དབུས་སུ། མཐར་འཕོངས་བསྡིགས་ཀྱིས་འབེབས་པ་དང་ཕཊ྄་བརྗོད། དྭངས་
མ་ཞོ་འདྲ་དར་བ་ཤོ་མང་གི་ཚི་ལྟ་བུ་ཀུན་འདྲ་ལ། ལོང་ཆུང་ན་མཐའ་མ་ཁོ་ནས་སོ། །དབང་གསུམ་པའི་འཁྲུལ་འཁོར་གྱི་འདྲེན་དང་པོ། གཡས་བརྐྱང་ནི། གཡོན་པའི་རྟིང་པས་གསང་རྩ་
མནན། ཁུ་ཚུར་གཡོན་བརླ་ཁུགས་གཡོན་དུ་བཙུགས། རྐང་པ་གཡས་བརྐྱང་བ། ལག་གཡས་སྟེང་གི་ནམ་མཁར་འཐེན་པ་དང་མཉམ་དུ། གཡོན་བརྐྱང་ནི་དེ་གོ་བཟློག་གོ །མཉམ་པ་ནི། རྐང་པ་གཉིས་མདུན་དུ་
ཤད་བརྐྱང་བ་དང་མཉམ་དུ་ལག་པ་ཁུ་ཚུར་བྲང་ཁ་ནས་སྟེང་དུ་འཐེན། མི་མཉམ་པ་ནི། རྐང་པ་གཡས་དང་ལག་པ་གཡོན་བརྐྱང་ཞིང་འཐེན་པ། དེ་གོ་བཟློག་ནས་བྱེད་པ། རྡོ་རྗེ་གོམ་པ་ནི། 
17-616
ཁ་སྦུབ་ཏུ་བརྐྱང་བའི་རྐང་པ་གཉིས་འཁྲིལ། རྡོ་རྗེ་རྩེ་གཅིག་པའི་ཕྱག་རྒྱ་ཐང་གིས་བརྐྱང་བ་དང་མཉམ་དུ་བྲང་དགྱེད། ས་ག་ནི། རྐང་རྟིང་སྤྲད། སྒྱིད་པ་ལྡེམ་བྱས་ཁ་ཚུར་བརླ་ཁུགས་སུ་
བཙུགས་པ། ཟླུམ་པོ་ནི། ལངས་པ་གཡོན་པའི་མཐེབ་མོ་གཡས་པའི་བྲང་པས་མནན། ལག་པ་གྲུ་མོ་གཉིས་ལ་བསྣོལ་མར་བཟུང་སྟེ། མདུན་སྒུར་བྱས་གྲུ་མོ་བསྣོལ་བ་སྤྱི་བོ་ཐང་གིས་འཐེན། རུ་སྦལ་
ནི། དགུར་བའི་པུས་སྟེང་དུ་ཕོ་བ་བཞག །ལག་པ་ཁུ་ཚུར་བཅས་པའི་ལག་ངར་ས་ལ་ཕབ། མགོ་མདུན་ནས་ཁུག་བྱས་པ། བུད་པ་ནི། ཁ་སྦུབ་པའི་རྐང་པ་ལ་ལག་པས་བཟུང་། སྨད་བྲང་
ལ་མ་རེག་པར་སྦོ་ཐང་གིས་བརྒྱངས། རྒྱ་མཚོའི་རླབས་ནི། ཁ་སྦུབ་རྐང་བརླ་ལ་ལག་པས་འཇུས་པ། རི་བོང་འདེགས་ནི་འཕོངས་ས་ལ་བཞག །རྐང་པ་མདུན་དུ་བརྐྱང་། ལག་པ་རྡོ་རྗེ་ཁུ་ཚུར་
ལག་ངར་གྱིས་ཁ་སྐེད་རྩིབ་ལོགས་ལ་ཡར་དྲུད་ཅིང་ཁུ་ཚུར་ནུ་མའི་ཐད་དུ་སླེབ་པ་དང་ཁུ་ཚུར་ཁ་སྦུབས་ནས་ནམ་མཁར་ཐང་འཐེན། དེ་ནས་རྐང་པའི་སོར་མོ་གཉིས་ལག་པས་འཐེན་ཏེ་
སྒྱིད་པ་མ་གུག་པར་བྱའོ། །འདི་ཐམས་ཅད་ལ་སྟོང་འདྲེན་དུ་བྱེད་ན་རླུང་དལ་བུས་འབུད་པ་དང་བསྟུན་ཅིང་མཐར་ཕྱིར་ཐང་ཤ་བཅད་ཅིང་འཛིན། ལྟོ་བ་སྒལ་པ་ལ་བཅར། མིག་གྱེན་ལ་བཟློག །
17-617
རྣ་བ་སྲང་བྱ། ལྕེ་ཆུང་ཡར་དཀན་ལ་སྦྱར་རོ། །སྒང་འདྲེན་གྱི་ཚེ་དྲུབ་བཞུད་ཀྱིས་གཞན་འདྲའོ། །འགྲེམས་ཀྱི་འཁྲུལ་འཁོར་དང་པོ། སྟོད་སྨད་བར་གསུམ་གྱི་རྣམ་རོལ་ནི། རྐང་པ་སྐྱིལ་ཀྲུང་། ལག་པའི་
སོར་མོས་སྣ་མིག་རྣ་བ་ཁ་མཐེ་བོང་གིས་མགྲིན་པའི་རྦ་རླབས་ལྟེམ། རླུང་ཁ་སྦྱོར་མགོ་ལ་འཐེན་ཞིང་བཟུང་ནས་མདུན་དུ་ཁུགས་ཚད་བཀུག །ཡང་རྒྱབ་ཏུ་དགྱེད། རླུང་མི་ཐུབ་པའི་དུས་མགོ་དང་
ལག་པ་མདུན་དུ་སྤྲུག །རྗེས་སུ་རླུང་སངས་འབུད་པ་གསུམ་སྟོད་ཀྱི་རྣམ་རོལ། སྐྱིལ་ཀྲུང་ལག་གཉིས་བསྣོལ་བས་མཆན་རྩ་བསྡམ་ལ། སྐེད་པ་གཡས་གཡོན་དུ་བསྐོར། མཐར་སིལ་ལི་ལི་སྤྲུག་པ་བར་གྱི་
རྣམ་རོལ། སྐྱིལ་ཀྲུང་ལག་གཉིས་མཁལ་རྩ་མནན་ནས་སྐྱིལ་ཀྲུང་དང་འཕོངས་རེ་མོས་རྡབ། མཐར་ལུས་རྡེབ་པ་སྨད་ཀྱི་རྣམ་རོལ། སེང་གེ་རྩལ་སྤྲུགས་ནི། རྐང་སོར་ས་ལ་བཙུགས། རྟིང་པའི་ཁར་འཕོངས་བཞག །
ལག་པས་རྦ་རླབས་བཙིར། ཟི་ཐོམ་བྱུང་བ་དང་ལག་པ་སྟེང་དུ་བསྒྱུར་བ་དང་འཕར་ཞིང་རྡེབ་པའོ། །རྩངས་པའི་བྲང་འགྲེམས་ནི། ཁ་སྦུབ་པའི་རྐང་པའི་བར་ལ་ཁྲུ་གང་ཡོད་པ་མར་བརྐྱང་། ལག་
པའི་བར་ལའང་ཁྲུ་གང་བྱས་པ་ཡར་བརྐྱང་ལ་མདུན་དུ་གུམ་མེ་གུམ་མེ་འགྲོ་བས་འཆུན་འདོན་པ། ཡང་ཁ་གྱེན་ལ་གཏད་ནས་རྒྱབ་ཀྱིས་འགྲོ་བ། སྦལ་པའི་བགྲད་འགྲེམས་ནི། ཁ་སྦུབ་པའི་རྐང་ལག་ཕྱོགས་བཞིར་བརྒྱངས་ཏེ་བྲང་ས་ལ་མ་རེག་པར་མདུན་དུ་ཁྲུད་ཁྲུད་གོམ་པ་གསུམ་འཆུན་དང་བཅས་པས་ཕྱིན། 
17-618
མཐར་རྐང་ལག་ས་ལ་མ་རེག་པར་བྲང་དང་ལྟོ་བ་ས་ལ་རྡེབ་པའོ། །ཡང་གན་རྐྱལ་དུ་ཕྱིན་ལ་རྒྱབ་ཚིགས་ས་ལ་རྡེབ་པ། སྦྲུལ་གྱི་འཁྲིལ་འགྲེམས་ནི། ལུས་བསྒྲིལ་ཏེ་རྐང་ལག་བསྒྲིལ་ཏེ་
གཡས་སུ་བསྒྲལ། དེ་བཞིན་གཡོན་དུའོ། །གནས་ལུགས་ཀྱི་དྭངས་འགྲེམས་ནི། མཐར་ལུས་སེམས་རྒྱ་ཡན་དུ་བཞག་པའོ། །དེ་ཐམས་ཅད་རླུང་བུམ་པ་ཅན་ཁེགས་རྩི་བ། དེ་ནས་རང་སའི་འཆུན་འདོན་པའོ། །རྡོ་རྗེ་
ཉི་མ་དབང་སྡུད་ཀྱི་སྐབས་སུ། དཀར་ཆ་འཆིང་བ་ནི། སྐྱིལ་ཀྲུང་བཅས་ལག་སོར་བསྣོལ་མ་རླུང་ཕྱིར་འབུད་དང་བསྟུན་ནར་གྱིས་སྤྱི་བོའི་ནམ་མཁར་ལག་པ་གན་རྐྱལ་དུ་བྱས་ཏེ་ཐང་གིས་འཐེན་
ལ་གཡས་གཡོན་དབུས་གསུམ་དུ་འཆུན་འདོན། དེའི་རིང་ཕྱིར་འཛིན། ནང་དུ་རླུང་བརྔུབས་པ་དང་ལག་པ་ཁ་སྦུབ་ལོག་སྟེ་སྤྱི་བོར་ལན་གསུམ་རྡེབ། དེ་ནས་མགྲིན་པ། སྙིང་ག །ལྟེ་གསང་རྣམས་སུ་སོར་
མོ་བསྣོལ་བ་སྦྱར་ཏེ་གྲུ་མོ་བརྒྱངས་ནས་སྤྲུག །ཡང་གསང་གནས་ནས་བཟློག་སྟེ་སྤྱི་བོའི་བར་དུ་སྤྲུག་གོ །དམར་ཆ་འཆིང་བ་ནི། ཙོག་པུ་རྐང་པ་བསྣོལ། པུས་མགོ་ལ་ལག་པ་བསྣོལ་མར་དགབ་
རླུང་རང་འགག་གི་ངང་ནས་སྟོད་ལ་འཐེན་སྤྲུག་རྡེབ་ལན་གསུམ། ཡང་སེམས་སྐྱིལ་བྱས། རླུང་བཟུང་རྡོ་རྗེ་ཁུ་ཚུར་ལྟེ་བར་རྩེ་སྤྲད་ལ་འཕུར། ཡང་ཡར་རྩིབ་ལོགས་ལ་བཤུད་པ་དང་མཉམ་དུ་རླུང་སྟོད་ལ་འཐེན། 
17-619
ཡང་མར་རྡིག་པ་དང་བསྟུན་ཁུ་ཚུར་མར་བཤུད་རྒྱུ་ཞབས་སྔར་བཞིན་འཕུར་བ་ལན་གསུམ་གྱིས་རླུང་དེ་ཤེད་བསྐྱེད་ལ་འབུད་པ་དང་མཉམ་དུ་ལག་གཉིས་རྡོ་རྗེ་ཁུ་ཚུར་གནམ་དུ་བསྒྲེང་། ཕྱི་འཛིན་
ཅི་ཐུབ་བྱེད། མི་ཐུབ་པ་དང་རླུང་ནང་དུ་བརྔུབ་རྡོ་རྗེ་ཁུ་ཚུར་གྱིས་ལུས་མགོ་ཞབས་མེད་པར་མཉེའོ། །སེང་གེའི་ལོག་འཐེན་ནི། པུས་མོ་དང་རྐང་ངར་ས་ལ་བཙུགས་པའི་བར་མཐོ་གསུམ་ཙམ་
བྱས་ནས་པུས་མོ་གཡོན་པའི་སྟེང་ནས་ལག་གཉིས་རྡོ་རྗེ་ཁུ་ཚུར་བརྩེགས་པ་ནར་གྱིས་རྣ་བ་གཡོན་པའི་སྟེང་དུ་ཤེད་བསྐྱེད་ལ་འཐེན། གཡས་སུ་གཅུ། ཡང་པུས་མོ་གཡོན་པའི་སྟེང་དུ་ཕབ་ལ།
དེར་ཤེད་བསྐྱེད་ནས་འཕུལ་བ་ལན་གསུམ། དེ་བཞིན་གཡས། ཆ་མཉམ་དུ་པུས་སྟེང་སོ་སོ། རྣ་བ་སོ་སོར་འདེགས་སོ། །སྟག་མོའི་གསུམ་འཐེན་ནི། རྐང་མགོ་བསྣོལ་བའི་གཡས་པའི་མཐེབ་ཆེན་ནས་ལག་པ་
བསྣོལ་བས་བཟུང་། གཡོན་གཡས་སུ་གཅུ་ཞིང་འཐེན། དབུས་སུ་འཐེན། གྱད་ཀྱི་བགྲད་འདྲེན་ནི། སེམས་སྐྱིལ་ཁུ་ཚུར་རྡོ་རྗེའི་མདུན་དུ་རྒྱབ་སྤྲད་པས་བཙུགས་ལག་པ་ཤེད་བསྐྱེད་ལ་བརྒྱངས། དེ་ནས་མདུན་དུ་འཕུལ་
ཅི་ཐུབ་བྱས་ཏེ་རིམ་པས་སྟེང་དུ་ཁྱེར་དུས་རྣ་བ་གཡས་གཡོན་དུ་གྲུ་མོ་སླེབ་པས་ཁུ་ཚུར་ཁ་གྱེན་ནས་དཔྲལ་བར་བརྒྱངས། རྨ་བྱའི་འགྱིང་འདྲེན་ནི། འཕོངས་ས་ལ་བཞག །རྐང་པ་ཁུག་བྱས་པའི་སྒྱིད་ནང་ནས་ལག་པ་རྡོ་རྗེ་ཁུ་ཚུར་ཕྱི་ལ་བཏོན་ཏེ་བཙུགས། 
17-620
ལུས་གཡས་འཐེན་གཡོན་འཐེན་དབུས་འཐེན་པ། དེ་ཐམས་ཅད་ལ་རླུང་ཕྱིར་འབུད་དགུ་བྱས་བརྔུབས་ཏེ་དྲུ་བཞུད་ཀྱི་རླུང་གནད་བྱའོ། །གེགས་རྣམས་ཀུན་རྫོགས་ཁ་བསྒྱུར་སེལ། ཞེས་པ། དྲི་ཆེན་དྲི་ཆུ་དང་མཉམ་
དུ་ཁམས་འཛག་པའམ། རང་བཞིན་གྱིས་འཛག་པ་གང་ལའང་། ཀུན་རྫོགས་རྒྱག་དུས་རྐང་པ་བསྣོལ་ཏེ་རྩེ་གཅིག་པའི་ཕྱག་རྒྱ་ཕོ་བ་དང་ཕྱིར་འབུད་པ་དང་སྦྲགས་སྤྱི་བོར་འཐེན། གཡས་སུ་ཀྱོག་བྱས་ཕྱིར་
འཛིན་གྱི་ངང་ནས་འབེབས་པ་གཡས་སུ། མཁལ་ཁུང་གཉིས་ཀ་འཐེན་བྱས་དབུས་སོ། །ཐམས་ཅད་ལ་དབང་པོ་གྱེན་ལ་བཟློག །དམིགས་པ་རྡོ་རྗེ་རྩེ་ལྔ་པར་གྱུར་ཏེ་མེ་འབར་བས་རྩ་གསུམ་གྱི་མདོ་
ནས་ཁམས་དབུ་མར་དེད་དེ་སྤྱི་བོར་བསྐྱལ་བར་བསམ། ཡང་རྒྱུ་མ་མཁལ་ཁུང་སེམས་གཟེར་ཞིང་ན་བ། དྲི་མ་གཉིས་བསྡམ་པ། ཕོ་བ་སྦོས་པ། བརླ་ན་བ་སོགས་ལ་ཀུན་རྫོགས་ཀྱི་ལག་པ་
ལོག་དུས་མཁལ་མ་མ་གཏོགས་གང་ན་སར་བརྡེག །དྲི་ཆུ་བསྡམ་པ་ལ་དེ་དུས་རྒྱ་སུག་མར་དང་བསྲེས་པ་རན་ཙམ་བཤད་པར་བྱུག །མཁལ་མ་ལ་ལོག་དུས་མཁལ་མ་བཞོ། སྟོད་ནད་ཐམས་ཅད་
ཧ་འདོན་དང་བསྟུན་པས་སེལ་ལོ། དེ་ལྟ་བུའི་འཁྲུལ་འཁོར་ལ་འགྲངས་ལྟོགས་དྲག་པ་དང་། ཧ་ཅང་ཉི་མ་ཚ་བ། དུ་བ་ཡོད་པ་རྣམས་སྤང་། རྩམ་དུལ་རིང་འཁྲུལ་འཁོར་གཙོ། དེ་ནས་དབུ་མར་ཚུད་ཀྱི་བར་རླུང་གཙོ། དེ་ནས་དབུ་མར་གནས་པ་ལ་སེམས་གཙོའོ། །པདྨ་དཀར་པོས་སྦྱར་བ་རྫོགས་སོ།། །།སརྦ་མངྒལཾ།།

